Sæluhús - Gisting á Akureyri

Leigutaka er skylt að kynna sér reglur og skilmála áður en gengið er frá bókun. Við greiðslu er litið á sem svo að leigutaki hafi að fullu samþykkt að hlýta þeim reglum og skilmálum sem hér fylgja.

Sæluhús Akureyri ehf kt. 591200-3130. Skilmálar vegna greiðslu og bókana.

Almennt

Sæluhús Akureyri ehf áskilur sér rétt til að fella niður pantanir án fyrirvara, t.d. vegna rangra upplýsinga eða brota á reglum um umgengni. Um helgar (föstudag til sunnudags) er lágmarksleiga 2 nætur í húsum, en þessi regla á ekki við um íbúðir.

Verð, skattar og gjöld

Vinsamlegast athugið að verð á netinu getur breyst án fyrirvara.  Öll verð eru með VSK.

Gisting sem greidd er með gjafabréfi er ekki hægt að bóka á netinu.

Greiðslur

Öll gisting er greidd fyrirfram og fara greiðslur í gegnum Kortaþjónustuna ehf. sem heldur utan um kortanúmer í öruggri geymslu. Sæluhús áskilur sér rétt til að færa kostnað á kort leigutaka vegna hugsanlegs tjóns eða vanrækslu sem rekja má til leigutaka eða dvalargesta á hans vegum.

Afbókanir og forföll

Afbókun þegar greidd eru listaverð.

Afbókun skal tilkynnt 24 tímum fyrir áætlaðan komutíma.  Ef afbókun er tilkynnt síðar verður fyrsta nóttin skuldfærð á viðkomandi kreditkort.  Undir venjulegum kringumstæðum eru íbúðir afhentar kl. 15 á komudegi og húsnæðið skal yfirgefið fyrir kl. 12 á brottfarardegi.

Afbókun sértilboða.

Fyrirframgreiðslu er krafist um leið og bókað er.  Uppgefið verð fyrir alla dvölina verður skuldfært strax af viðkomandi kreditkorti og ekki er hægt að krefjast endurgreiðslu.  Undir venjulegum kringumstæðum eru íbúðir afhentar kl. 15 á komudegi og húsnæðið skal yfirgefið fyrir kl. 12 á brottfarardegi.

Umgengi og aðbúnaður

1. Leigutaki skal vera orðinn 25 ára. Leigutaki skal sjálfur vera gestur í viðkomandi húsi/íbúð. Óheimilt er að leigja hús/íbúð áfram til þriðja aðila.

2. Gæludýr eru ekki leyfð.

3. Reykingar eru ekki leyfðar.

4. Leigutaki ber ábyrgð á öllum búnaði húss/íbúðar á leigutíma og skuldbindur sig til að bæta tjón sem verða kann af hans völdum eða annarra sem dvelja í húsinu/íbúðinni á leigutíma.  Leigutaki skal tafarlaust láta vita ef hann verður var við að eitthvað sé að aðbúnaði við móttöku.

5. Almennur komutími er kl. 15 og brottför kl. 12. Ef gestir koma utan opnunartíma verða lyklar í lyklahúsi á svæðinu og starfsmaður mun gera leigutaka viðvart hvernig nálgast skal lykla.

6. Leigutaki er ábyrgur fyrir lyklum og er rukkað ef lyklar týnast eða er ekki skilað að leigutíma loknum.

7. Forðast skal hávaða eftir kl. 23 á kvöldin og taka tillit til nágranna.

8. Heitir pottar eru við húsin og sumar stúdíóíbúðirnar. Börn skulu ekki vera án eftirlits í pottunum og eru forráðamenn ábyrgir fyrir réttri notkun á potti. Sæluhús ábyrgist ekki að pottarnir séu aðgengilegir eða nothæfir t.d. vegna veðurs, fannfergis, bilana eða annarra ástæðna.

9. Gestir í húsum hafa aðgang að gasgrilli, gestir nýta grillið á eigin ábyrgð. Sæluhús ábyrgist ekki að grillin séu nothæf eða til staðar, t.d. vegna bilana eða annarra ástæðna.

10. Gestir hafa aðgang að þráðlausu neti sér að kostnaðarlausu. Gestir nýta sér netið á eigin ábyrgð og Sæluhús tekur ekki ábyrgð á neinum skaða sem af notkun þess hlýst. Né því ef net virkar ekki eða tölva gesta getur ekki tengst við netið.

11. Þvottavél og þurrkara er í öllum húsum og allir gestir hafa aðgang að sjálfsalaþvottahúsi í þjónustuhúsi Sæluhúsa. Gestir nýta þvottavélar og þurrkara á eigin ábyrgð og Sæluhús ábyrgist ekki að þvottavélar séu nothæfar, t.d. vegna bilana og annarra ástæðna.

12. Sæluhús býður ekki upp á aðra þjónustu en gistingu. Þurfi leigutaki á frekari aðstoð að halda utan opnunartíma gestamóttöku 9-19 virka daga, sem ekki má rekja beint til vanefnda eða skorts á aðbúnaði, getur komið til aukakostnaður vegna útkalla starfsmanna.

Brot á þessum reglum varða við riftun samning og getur haft í för með sér auka kostnað vegna tjóns eða kostnaðar sem hlýst af vegna viðgerða, þrifa eða vegna annarra orsaka.